تحديث : انا عارف من قبل ما انزل ام البوست ده و هلاقي تعليقات من العينة دي .. امال انا كاتب المقدمة ليه ؟؟؟؟ ياجدعان اه انا عاوز ااقطع العلاقات و اه لا اؤمن بهسس ...هسس الامة العربية و الاشقاء (مصر ام الدنيا و ملهاش اخوات.... ) و اللي هيقرا الكلام و يقولي انت بتطبع مع اسرائيل هاقوله ما انا مطبع مع الجزاير ؟؟؟ و هاسيبك تفهمها و ياريت تفرق بين الفكر العسكري المحشور في دماغكوا و بين ان الثقافة و الفن لا ارض ولا دين ولا جنسية لهم و انا اساسا غارق في الفن و علي فكرة انا بتابع سينما فلسطيني و اسرائيلي كمان ..... عاوز حد امور يجي يقولي اني عميل ..... !!!!! .... ااقولكم هنزل كمان شوية علي مدونة السينما مقال عن فيلم اسرائيلي ..... اذا كنا لانعرف الاخر فاولي لنا ..... الموت منهم .
مبدئيا كل اللي جاي رأي شخصي بحت لايجوز اي مناقشة فيه و ده مش حجر بس رأيك انت حر فيه و كمان رأي ودي مدونتي تختلف معايا ماشي لكن هتعملي فيها طه حسين و تقنعني بحاجة مستحيلة اقتنع بعهكسها بلاش احسن
الموضوع بالنسبة لي مش ماتش كورة و اللي يمس بلدي بهمسة بيبقي حسابه مش هين معايا لذلك :
-مجرد رأي (تعقيب علي الهمجية)
- حبيت استني كتير .... قوي .... عشان لما اكتب تكون اعصابي هادية ... مش عاوز اجي علي حد ومش عاوز حد يغلطني .... انا اساسا ربنا اصابني بلعنات في حياتي .... اولهم لعنة اسمها مصرمش بستحمل كلمة للاسف من قريب او بعيد عنها ..... و مش وقت تسببيب حاجة مش هتفرق مع حدالا انا... طبعا المفروض اعمل فيها الناصح الواعظ زي اي حد قعد يفتي و يتكلم عن مصر و الجزايروعمل نفسه مدافع او مهاجم ...كل منهم حسب مصالحته الشخصية و ام الكلام بتاع العرب و العروبةوالاخوة و الاشقاء و الاولاد و البنات ..... هي الناس دي مش عاوزة تبص من بعيد شوية ليه ؟؟
- نرجع لوراء شوية ... العرب و الوحدة ....هي الناس دي بتعيش علي اوهام و سراب ليه ... فين العربانا شخصيا لا اعترف باني عربي نهائي من قبل الماتش بزمان يعني ....بس بعيدا عني انا ... الناس اللي مأمنة بالسراب ده ..... حد يقولي قرار واحد خدوه العرب من 100 سنة ...بس ...قرار واحد سهلة جدا ..... ارجوك قبل التسرع استني ثواني .... فكر ... مفيش ...مفيش !!
- طب العالم اللذيذة اللي بعد الماتش ماسكة في ان الجزايرين ماسكينهم يهود و اسرائيلين ... ولاماسكهم بابا نويل ...هو ده هيغير شئ ؟؟؟؟يا جماعة بالراحة بس .... اسرائيل جزاير ... المهم اللي حصل ... المهم ان في جزء (بعض من) الجزائيرين اتجموا علي مشجعين مصريين ....مصريين...عُزل .... حلو ... طلع قالك دول معظمهم خارجين من السجون و جايين علي طائرات حربية يعني في جزائيرين محترمين لسه و مشجعين كويسين (زي البشر الطبيعين) .... طب دول فين من الساحة ؟؟حد هيقولوا لقد اصدر المثقفين او المثقفون (حسب تشكيل العربي و التدقيق بلا داعي) شحب و حجبو تنديد و تضامن ... سيدي المندد المثقف الجزائري ... خلهولك .... هو ده هيعمل ايه ل80 مليون الناس اللي في الشارع قدام السفارة مش هما المثقفين المصرين اللي نايمين في بيوتهم و قاعدينقدام التكيف بيتابعوا (CNN) او بيقروا لراسل او نتيشه .... و اقوي قضيهم ... الفرق بين السفسطائيةو الماشئين في العصور الوسطي .... الناس اللي قدام السفارة بيقولوا .... هما اللي بيقولوا ...ان كرامتهم راحت... متقوليش دي كورة جلد تافهة .... تبقي انت اللي دماغك صغيرة و مش فاهم ان الشئ التافة هو اللي بيفجر اي شئ .... الناس دي لما تسمع ريهام و هي بتستنجد و هي ماشية شبةعريانة في بلد متعرفهاش ولا فؤاد و هو بيبكي علي ابنه اللي كان بيموت قدام عينيه هي اللي بتثوروهي هي رغم كرهها للنظام الحاكم لكن معظمهم تأثرات بكلام علاء مع خالد الغندور .... هما هما اللي برضه لما اتشم بعدها بيوم (علاء) حبوه قوي و دفعوا عنه قوي ...لانه منهم ... هو ده اللي وصلهم .....
- اين مثقفين الجزاير يا سادة ؟؟؟ طلعوا بيان شجب ماشفهوش الا 3 او 4 من اللي بيقروا اخبار الادب او ممكن يقلبوا صدفة علي النيل الثقافية ....؟؟؟ الناس متبعتش الا كلام السقا و محمد سعد و اسعاديونس (الشركة العربية) و اخيرا مكي (من كام ساعة) .... الناس دي برضه ماشبة مع الهوجة ولا الفنانين مش مثقفين يا حضرات !!!!!! ولا دول كمان ليهم مصالح شخصية ؟؟؟ ... الناس اللي قدامالسفارة مفرقش معاه تاريخ وردة كله ولا كتبات احلام مستنغامي ولا الشاب خالد و سعاد ماسي قدمافرق معاه فتحي عبد الوهاب في مهرجان القاهرة ..... و قد ماشافوا علم مصر بتداس عليه بالعربيات والجزم .
- منتكلمش علي العروبة وهي خيال .... و منتكلمش علي مثقفين دورهم مهمش هنا و هناك و منتكلمشعن سياسة لانها مطابخها .... الناس وصلت لمرحلة خلاص .... مينفعش معاها التعامل ببرود ...نفس الناس دول اللي عاشقين لـ(البيت بيتك) هما اللي قلبوا لاكتشاف كدبهم يوم احداث السودان ...الناس مبقتش عاوزة اللي يكدب عليهم ولا يقول بؤقين حلوين ..... ويقولهم وطن حبيبي الوطن الاكبراغلب الظن هيسالك انت بتشرب صنف ايه ؟
- متكلمنيش عن العرب .... نحن رفعنا العرب فوضعونا في ازبل مكانة .... هتكلمني عن الكويت و اسوءنظام للسفر سمي بـ (الكفيل) .... يعني ذل .... دخولك المطار في الكويت و الامارات كمصري بجانبالفلبينين و الهنود (مش عيب فيهم) بس ده باب الخدم .... السعودية تحب نتكلم عن جلد المصريين ولا اعصابك بتتعب .... تكلمني عن العراق .... ولا سوريا ولا ليبيا ولا ... الجزاير
- فين التحضر بتاعنا و الرقي .... موجود ... و مدام عندنا مبدأ الحوار البناء ياسادة ياكرام يا اصحاب القيم و المبادئ و الثقافة .... هو مش من ثقافة الحوار اننا ندور علي الاسرائيلين (وهنا بفصل بينالاسرائيلين و اليهود ...عشان كله بيقول يهود و السلام ...عالم حفيظة) ... ندور بقي علي الاسرائيلينالكويسين و نتكلم معاهم و نطبع معاهم!!! مش هو ده التمدن و التحضر يا دعاة الحوار البناء ماهما بشر زيهم زي الجزايرين الكويسين و السعودين الكويسين و الكويتين الكويسين ... ولا دول ولاد كلب و السلام !!!!! ... مع ان ولا دين ولا ملة ولا اي شئ بيقول انهم اعدائنا و السلام من البابللطاق ....هتقولي متامنش ليهودي او اسرائيلي .... ااقولك لا بجد ... طب متامنش انت لاي عربي عشان اسرائيل بتحاربك بجيش رسمي .... مبتعتش بلطجية و تتطلع تحب فيك في التلفزيون (علي حسب انت مشغل الجزيرة ولا العربية) .
- بعدين تحضر ايه و رقي ايه في التعامل .... اللي بيقولوا اسرائيل تدير الجزاير من الباطن و ان جريدة الشروق تمويل اسرائيلي بحت .... طب عم الامور لسه مكتشف ده فجأة و اهل الجزاير ماشاء الله عليهم عارفين ده و ساكتين ؟؟؟ مدام قبلوا السكوت يبقي يليق بيهم الرد ... مهما كان هو ايه انا علموني اللي يسكت علي حقه يبقي ملطشة ..... و المثقف صاحب المبدأ اللي يسكت علي التدخلالاسرئيلي في بلده يبقي ميستهلش ابص علي التنديد و الشجب اللي بعته للمصريين ... وقبل ماحديرد هاقولك مفرقش الحال من بعضه هنا بس معندناش قمع اسرائيلي ..... قمعنا صنع في مصر وهما هما نفس المثقفين اللي قاعدين قدام التكيف و هواة التطبيل للامة العربية .
- المثقفين اللي كاتبين ان الفن و الرياضة سمو للروح و تقارب الشعوب .... مجربوش يتابعوا فن ويقروا ادب اسرائيلي ليه ؟؟؟؟ ما دخل السياسة بالادب و الفن يا سادة الحوار المتمدن ؟؟؟ واشمعني دلوقتي بقي تقارب .... وهل مدام هو تقارب ...ليه برضه الجزاير منعت عرض الاعمال الفنية المصرية كلها امبارح ؟؟؟ اين الشجب و التنديد من الناس الكويسين بتوع الجزاير ؟؟؟ فين ياجدعان استنوا دول ناس كويسة و اخوة و عرب و ..طبلي طبلي و انا مستني و مفيش شئ بيظهر الا مزيدمن التطاول و التعدي علي البلد .
- ملخص الكلام عشان تعبت .... انا شايف ان اللي حصل ميجوزش اننا نتهاون فيه ... كفاينا تهاون في الحقوق و الكرامة .... و اعتقد ان مينفعش الشقيقة الكبري (مع انها ام الدنيا بس ملهاش اخوات)تبطل ذهب المعز و تضرب بسيفه ..... الطبطبة متنفعش :
1- طرد السفير الجزائري ....وميخرجش كده لا مطرود .... لانه انسان اهان المصرين و كفاية انجاله اكتئاب لمحاصرة المصرين السفارة و كمان حفاظا علي ارواح الجزائرين اللي عايشينهنا يمشوا لحين اشعار اخر .... انا متحضر و لذيذ و بتكلم غيري هيعلم عليهم .
2- قطع العلاقات (اللي هي اصلا مش موجودة) لحين اثبات العكس من الاخوة الاشقاء و الطبقةالمثقفة من الجزايرين .
3- حماية المصرين في دول العالم و اولهم الجزاير و باقي الدول و اظن التعرض اللي حصل الاياماللي فاتت لو كان راحوا وقفوا مع فلسطين (اللي محموقين عليها قوي) كانوا خلوا اسرائيل تهاجر ايطاليا و من غير فيزا كمان .
4- اللي حصل و ان دل علي شئ فهو ان المصريين جابوا جاز و اللي هيعرف يرضيهم هيمسكالبلد (اسمع يابو علاء مني وراجع نفسك الناس حبيتك) .
5- اعتقد اننا اغلب مقصر قوي لو اللي عملنا في يومين ده عملناه علي طول البلد دي هتبقي حاجة تانية .....
6- مراعاة رفع العلم المصري لان اي دولة بتفخر بعلمها الا احنا بنشتريه عشان الماتش و بعدينربنا اعلم بمصيره .... دلوقتي ااقل واجب ميتنكسيش تاني ابدا .... اخترم غيرنا لعلمنا هيجي من احترامنا ليه .
- تاني و تالت ياسادة الكلام و التشدق بالالفاظ .... ارجوكم كلامكم مصيره لان يكون الا كمصير جزائريفي وسط شبرا الان ......(ربنا اعلم باللي هيحصل فيه) ..... خليكم في الناس .... لو ليكم مكان و مكانةبجد في بلدكم و صوتكم مسموع ... و ليكم برة صوت اي صوت ... (ده لو) ..... حسسوا الناس دي ان كرامتهم هترجع ..... مش تشرب عصيرك و تكتب علي الكمبيوتر اشجب وانت متعرفش معني الدرجة التالتة و العلم و التي شيرت و تلقيك مش حافظ النشيد الوطني ....
بمناسبة علاء .... الراجل شعبيته زادت لدرجة انه عمل اكونت علي الفيس بوك و عملته ادد و شوف حبه لاخوة حطه عنده في الفريندز و كمان اول جروب داخلها (محبين جمال مبارك gamal mubarek lovers ) .
مبدئيا بعتذر عن الغياب (المبرر) و الاختفاء و القلق اللي سببته لبعض الناس خصوصا امي (ماما فاتيما) و جارة القمرة و كيكي عوووو
وكل اللي سئل و انا هارد حالا علي البوست اللي فات .... بس هو غياب مسبب و السبب في الهرتلة اللي كتبتها دلوقتي و .....
ماتيجوا نشوف
- أسطورة الرقم 7
- الرقم 7 دي معايا من زمان ....يعني صاحبي صاحبي .... زي اخويا الانتيم كده ... يعني مبدئيا ...أمي سابت ايام ربنا و جيبتني يوم 7 من الشهر المارسي (3 يعني) كان يوم جمعة يعني لو مشينامصري و يامها مكنش في اجازة الا الجمعة .... لان بداية الاسبوع كان السبت (والاسبوع 7 ايام) يبقي انا ياحضرات اتولدت كمان في اليوم السابع للاسبوع ..... طبعا محبتش اسال هو انا جيت الساعةكام لانه احتمال كبير يكون الساعة سبعة او دقايق سبعة ....الخ .... اي طفل بيتعملوا شئ اسمهالسبوع ...في اليوم السابع (حقيقة مش فاكر اتعملي ولا لا .....لاني مكنتش موجود ساعتها) ...عدد الناس اللي عارفيني كويس قوي تقريبا 7 ..... اول مرة فتحت المدونة كان شهر 10 كتبت 7 مواضيع و السابع من اكتر الحاجات اللي بحبها (كارمن) .... 7 هو كمان ....(بلاش دي) ... المهم7 هو رقم حظي من غير ما اعرف ليه ..... 7 هو رقم تي شيرت افضل لاعب كرة بحبه سواء فيفريقه او منتخب بلده (ديفيد بيكهام) ... 7 غالبا في ايام ما كنت بجيب اي شريط بيبقي افضل اغنيةبتعلق معايا .... اول عدد ااقراه من رجل المستحيل و يعلق معايا و يخليني ااقراء السلسلة كلها كانرقم 7 (دي صدفة مش مقصودة نهائي) ..... ومش هاقول علي ما افتكر كان عندي 7 سنين عشان محدش يفتكرها واسعة شوية بس دي الحقيقة ....ما علينا ....الايام دي بتمر عليا 7 سنين لاول مرةاكتب فيها كان اخر 2002 تقريبا (مش زي الناس اللي بتفتي و بكتب من قبل ما اتولد و الهبل ده)بالعكس انا كنت بكره الكتابة .....(الا موضوع التعبير....كنت بحب اهبل) .... يوسف شاهين مخرجيالمفضل مثل 7 افلام و كتب 16 رقم 7 فيهم بالعكس (اليوم السادس) من اكتر الافلام اللي بحبها في الدنيا .... طبعا مش عاوز ازود اكتر من كده بس لسه فيه .... بس هو ده مش ليا لوحدي علي فكرةتاريخيا و دينيا (يهودية-مسيحية-اسلام) و علميا ....الرقم 7 ملوش تفسير .... خد عندك :
الماسونين عندهم الكواكب 7 ....ولبسهم اساسا عليه سبع سنابل قمح و نجمة سباعية
الرومان : الاله برياب (تمثال الالهة السبعة) ....انياس مؤسس روما ضل 7 سنين لحد ماوصل لروما
البوذين : بوذا امه مات بعد ماوالدته بسبع ايام و عاش 7 سنين عند عمته و توصل للحقيقة (اللي هي لب العبادة عندهم)بعد 7 اسابيع
الصين : عدد الارض 3 و السماء 4 يعني الكون بالنسبة لهم = 7 ....و الكون نفسهم حصل له خلاصعلي ايد 7 الهة ... وبرضه الانسان عنده سبع مبادي (النفس، النور، الفكر، الإرادة، الجسد، الدم، والحركة)
اليونان و الفراعنة : دول عاوزين مجلدات في الرقم ده ....ومش موضوعنا اساسا
عجائب الدنيا سبع .....علي ما افتكر يعني .....الوان الطيف 7 ....عدد القارات 7 ..... الانسان من 7 برضه (ذرة-جزئية-جين-كروموسوم-خلية-نسيج-عضو) ...طبعا دينيا برضه الموضوعكبير ....
كل اللي فات ده ليه ..؟؟؟!!!!
يمكن عشان السنة دي رقم 7 ليا في الجامعة و فعليا مش عارف هي نعمة ولا نقمة ولا لعنة ؟؟!!!
(الترجمة ان نيتجيتي طلعت و عيدت السنة .....ادي الموضوع .... و نشكر المخابرات العامة العين الشمسية علي حسن تعاونها طوال الفترة
البوست ده مجرد كلام نونو كده .... ياجرعااااااان الناس اللي بتقول اني مش بعلق عندها و الكلام الحمصي ده ...انا اساسا قعدت اسبوع نايم في السرير مريض ...ماعلينا ده مش اعلان ل57357 .....وجيت امبارح بستنصح خدت دش و طلعت ..... رجعلي الدور تاني و انا بكتب دلوقت و انا بفرفر ....مش فاهم فعل فرفرة ده جه منين بس ماعلينا ....بس العجيبة النهاردة اتحقق حلم من احلام الطفولة و الصبا و الشباب واحتمال كان يفضل للكهولة كمان ....
انا معرض الكتاب اللي فات قبلت د/احمد خالد توفيق .... كنت منبهر بجد ..... بحبه جدا و بحب اسلوب كتاباته قوي ... بس يظل مع كذلك المرتبة الاولي مكرر ...او الاولي بشرطة ..... بس دي صورتي معاه المهم النهاردة 23-10-09 وانا في عز الفرفرة قابلت شخصية .....كنت ممكن ادفع نص عمري عشان ااقابلها ... رجل ساب كتير فيا ....رغم اني اسلوبي بعيد كل البعد عنه ..... بس هو حط رجلي علي اول الطريق .... رئيس جمهورية الكتابة (المقابلة كانت في مكتب د/نبيل)
د/نبيل فاروق
مكنش ينفع متصورش مع ادهم .... مع اني ممكن اتصور مع البوستر في اي حتة .... بس .... الصورة دي تحديدا هي في وسط مكتب د/نبيل عشان كده مميزة قوي و بحب اشوفها قوي ... انا مش حاطط صوري منظرة بيها قد ماهي افتخر و فرحة باني حققت جزء مهم من احلامي .....
علي قد المرض ....علي قد الفرحة و يمكن اكتر
ملحوظة : حلم جديد طلع فجأة و انا هناك و خدت موافقة مبدأية .... يارب يكمل :) الحلم بخصوص د/نبيل برضه بس فكرة مجنونة :):)
تحديث :
